विद्यार्थी व्हिजा शुल्कात मोठी वाढ; 'या' सरकारची घोषणा 

एज्युवार्ता न्युज नेटवर्क  

विद्यार्थी व्हिजा (student visa) शुल्क आणि इतर शुल्कांमध्ये न्यूझीलंड सरकारने (New Zealand government) भरीव वाढ (Substantial growth) जाहीर केली असून येत्या 1 ऑक्टोबर 2024 पासूनलागू होणार आहे. याचा परिणाम जवळजवळ सर्व व्हिसा श्रेणींवर होईल, असा अंदाज लावण्यात येत आहे. इमिग्रेशन मंत्री एरिका स्टॅनफोर्ड (minister of immigration Erica Stanford) यांनी या विषयीची घोषणा (announcement) करताना सांगितले की, " हि नवीन वाढ ऑस्ट्रेलिया (Australia) आणि युनायटेड किंगडम (United Kingdom) सारख्या देशांच्या तुलनेत कमी आहे." 

सर्वात लक्षणीय बदलांपैकी एक म्हणजे विद्यार्थी व्हिजा शुल्कातील वाढ आहे. पॅसिफिक क्षेत्राबाहेरील जगाच्या बहुतांश भागांसह आणि इतर काही विशिष्ट क्षेत्रांसह बँड सी म्हणून वर्गीकृत क्षेत्रांतील अर्जदारांना विद्यार्थी व्हिजा शुल्क NZD 300 वरून NZD 485 पर्यंत वाढवण्यात आली आहे.  पण शिक्षणानंतर वर्क व्हिसाचे शुल्क NZD 490 वरून NZD 320 पर्यंत कमी करण्यात आले आहेत. ही कपात या व्हिजाशी संबंधित इमिग्रेशन लेव्हीमध्ये लक्षणीय वाढीसह आली आहे. तर इतर देशातील विद्यार्थ्यांसाठी  विद्यार्थी व्हिजा शुल्क NZD 95 वरून NZD 265 पर्यंत वाढविण्यात येणार आहे. तर वर्क व्हिसा आकारणी NZD 210 वरून NZD 1350 पर्यंत वाढवण्यात येणार आहे.  

मान्यताप्राप्त एम्प्लॉयर वर्क व्हिसा (AEWV) म्हणजेच न्यूझीलंडमधील प्राथमिक तात्पुरता वर्क व्हिजा यात देखील बदल करण्यात येणार आहेत.  AEWV शुल्क NZD 540 वरून NZD 480 वर थोडे कमी होईल. मात्र या व्हिजासाठी इमिग्रेशन शुल्क NZD 210 वरून NZD 1060 पर्यंत मोठ्या प्रमाणात वाढेल.